 | | |
| | |
|
Spaces home  敏敏Sindy笑笑笑PhotosProfileFriendsMore |  Tools   |
|
June 28 开心一家游！！ 2008年6月26日，真是一个好难忘的日子。因为呢一日是我同爸爸妈妈三个人第一次去旅游。今次是我地第一次三个人一齐去的啊，真是好感动，而且今次仲是我请，真是觉得自己大个女了。我地今次是去澳门，虽然果日落雨，但是我地还是玩得好开心。虽然得一日时间，但是我觉得我地都去左好多地方啊。威尼斯人－鱼人码头－大三巴！！我同老豆仲赌翻两手添，哈哈，幸运之神还是眷顾我地的，因为我地赢左何鸿生啊。老豆开心到咩咁～～～真是好啊！！虽然赢唔系好多，但是足以令我地兴奋左成日啊^_^虽然就是呢一日休息去玩，之后又上班，好累，但是好值得，距地两个咁开心，我再累，再辛苦我都唔怕啊！！希望仲有好多咁的开心的回忆陪着我继续成长拉～～加油加油～～ June 13 表弟做老豆了！！ 一个新生命诞生了，真是好啊。我地屋企又多一个成员了，是bb仔来的啊。即是我侄子啦，表弟个仔啊，就在十几分钟前出来的。大家知道都好开心，好兴奋啊！！希望可以好快就体到bb啦。现在我有六个好亲的侄子侄女了～～正啊！！希望表弟做左爸爸之后可以更有担带，不过我相信距可以做得好好的。因为现在距是爸爸了～～～加油，细佬！！ June 02 希望爷爷奶奶安乐长眠。 爷爷奶奶过身后，家人都在忙着帮距地稳新屋。经过一番努力，稳到了。在花都的大金钟墓园。我有去体距地下土，感觉真是一种对先人的尊重同怀念。当时突然好大风好大雨，就好似距地两个都在咁，阿哥就用伞遮住距地。场面我突然觉得好感动。大家都拿住伞，蹲在地上，为的就是遮住要用来拜祭的野，真是第一次见到咁的场面，而且仲亲身经历。但是只是下土，立碑的果日我就因为要上班而不能出席，但是我知道距地唔会怪我的。突然感觉爷爷奶奶都会好安乐咁长训在一个新的环境。好怀念距地在的日子，可能当时自己仲是细路，所以真是觉得好天真，无忧无虑，但是呢种感觉唔会再有了。人大了，好多野都改变了。角色，责任，好多好多发生左转变，点先可以让自己做得更好，活得更好，真是感觉越来越难了。不过我相信，爷爷奶奶都会保佑我地，我地会生活得好好。开开心心，顺顺利利过埋以后的日子的。加油，梁敏！！加油，梁敏的家人！！加油，梁敏的朋友！！一定会更好的～～～ May 15 今次的灾难，好痛心。 08年的5月12日是中国四川地区的一次好严重的考验。7.8级的大地震！！一开始知道的时候真是觉得唔系咩严重事，不过过了一日，情况比我想象中的严重好多好多倍啊。所以好难过啊，见到D画面，听到D消息，搞到成晚都训唔着啊。林下究竟自己可以点样帮到果度，捐钱罗最直接了。第二日一早上班，车站就话买报纸捐款，咁就买左份广州日报，捐左十蚊。之后翻到单位就打算寄钱去北京红十字会，捐200啦。^_^，见到阿福，甘就要距比20蚊我，帮距捐埋啊。距都几爽手，即刻比了。呵呵，原来我寄去北京唔免附言费，呵呵，华哥仔帮我比左。所以华哥仔都是我地的其中一个善长人翁啊！听日打算如果可以的话去捐血，不过唔知多唔多人呢？唔理啦，到时去体体。希望经过我地中国，香港等地的同胞咁落力去帮助，灾区同灾区的人民好快就可以好起来。大家加油啊！！ May 12 原来真是要经历一D野，先可以更为别人着想啊！！ 呢个几月又发生左好多事啊，08年，我的生活真是好丰富啊。我明白真是好多人关心我，真是好多好多，我都好感激距地啊，但是另一方面我又觉得好惭愧，因为永远都要距地为我担心！！不过请各位不要再担心我了，我会好好照顾自己，我大个女识林的了，我会将事情都处理好的。有好多野我都觉得是缘份罗，而且没话边个对边个错，边个好边个衰的。当你有咁的感觉，或者企在某个位置去林下的时候，你就会发觉好明白果个人的感觉。可能以前就是太唔识咁去做了，所以好多时自己的唔开心就是咁样出来的了。现在林通左，你就会发现，所有的事情发生都是好正常同好自然的。平常心对待，是你的就是你的，没得勉强，顺其自然就永远都会好开心的！！加油 梁敏～～^_^ May 07 今日在广州传奥运圣火啊！！ 今日是一个好特别的日子，就是奥运圣火在广州传递，而我亦都休息。我好想去体啊，但是没人陪我啊。屋企人觉得太多人，太辛苦，所以唔去。而我亦都觉得一个人实在太没意思了，所以都没去逼，体电视咯。其实我今日经过，真是几热闹的啊。而且感觉都真是好兴奋，不过真是太多人了。圣火是有经过我家，所以我都好期待啊。呢个我林应该是我有生以来的一次，今次错过了，应该没机会了。不过我都有同侄子落去碰碰运气的，但是已经封路，而且实在太多人，仲是太多外地人，真是唔安全啊！！不过体电视我都觉得好兴奋的，如果我可以拿下个火炬就好了。不过可惜我实在太平凡了，没我份都好正常啊。呵呵～～～希望奥运可以顺利完成，中国加油，梁敏都要加油啊～～～^_^Yeah！！ May 04 今日去送阿嘛最后一程啊！！ 今日一早我地就出发去银河公墓送我嘛嘛的最后一程了，我妈妈果边的亲戚都好有心啊，三个舅父同三舅母都一早就去一齐送阿嘛了。我老豆仲以为我地去得好早，点知原来我地最迟。大家都带住沉重的心情向嘛嘛行最后的一圈。去完呢度之后，我地就去海棠寺帮阿嘛上位罗，当然同阿爷在一齐的位啦。希望距可以稳到阿爷，然后开开心心继续前缘啊。我地后来仲去埋纯阳寺烧野比阿嘛，大家都好有心，不过真是几累，而且今日都几热啊。不过好开心的就是个天好好啊，讲就讲今日会落雨，但是距没咁做啊。所以今日好顺利啊！！多谢你上天～～～我知阿爷阿嘛一定在天上保佑我地的，所以一定要努力啊！！加油～～ May 02 有一个好亲的亲人离开我了！！ 阿嘛，我好挂住你啊，是我衰，前日休息都唔去体你，都是我懒啦。一个懒字，就令我觉得后悔一世了。是好伤心的了，但是现在点林都是无补于事的了。我知阿嘛都好想我呢个孙有出色的，生活开心，充实就好了。我会努力的嘛嘛，我知你一定在天上可以见到我的。所以我会将自己应承你的，尽量做到。不过如果努力左都唔得，你都会觉得好安慰的。点都好，我一定会开开心心，无论遇到几多困难我都会笑住去面对的^_^你同爷爷都要开心啊，我地会烧多D野比你地，你地唔洗咁省的了，因为你地一定用唔完的。挂住你啊～～～ April 26 工作真是好难去平衡！！ 今日大家收到排班的安排，个个都觉得好唔公平，当然除左D排得好的人啦。于是一早开工，D同事就没晒心机，总是林住排班的事，周围打听其他人的想法，尽量希望可以大家一齐出来平反。其实在以前的我都会好紧张的，现在都会紧张，但是突然发觉有时有D野就是咁的了，自然而来的，无论你点唔开心，点唔想咁做，点想改变，是要争取，但是都要一个时间的。记得刚开始个班长都唔系咁喜欢我的，但是日久见人心的，我是D点的人，相处落就好容易知道的了。现在未相处得几好，个个都中意我，没理由个班长唔like我的。其实真是工作做得开心，就算几辛苦，时间几长，咁又有咩所谓啊。不过人总会望向高处的，当然希望可以创一番事业，但是现阶段，无论有几大的理想，有几多冲劲，在邮局呢个没咩机会发展的地方，除左尽量提升自己，为以后出来稳过份更好的，就是做好属于自己的果部分工作先罗。是好难平衡的了，但打工都是咁的啦，尽量令自己开心啦。林下D开心的回忆，会开心好多的。现在心里面多左个人，虽然都成日挂住，但是大家都有大家的工作同生活，空间有时真是都好重要的。努力啊梁敏～～～～ April 25 今年的生日真是好开心啊^_^ 琴日就是我的第24个年头啊，真是好开心。我觉得每一年的生日都过的好开心啊，但今年特别开心，因为有你？？或者啦，真是特别的，你是第一个以咁的身份来参加我的生日party。琴晚大家都好开心，希望都尽兴到啦！！如果要真是要多谢好多人啊，而且仲要多谢个天啊！！真是好多好多想写低，但是唔知从何说起～～～尽在不言中啦！！笑～～ April 22 听日同后日我一定要过得好开心啊！！ 今年的生日因为是24岁，24对于我来讲真是一个好特别的数字，所以真是好想再搞多一次，而且希望好开心咁同朋友过。当然如果有个是真正的男朋友就更好啦，（唔知有没呢？？^_^）不过我林我没咁好的福气了，因为除左没男朋友之外，连朋友都唔可以出席多个啊。但是仍然希望可以过得比之前任何一个生日都开心。因为真是经过好多困难，好多心里压力，好多忐忑不安，先可以换到呢两日的啊。咁我都是同人调班的，又唔系有得补休，上天应该都会帮我吧，毕竟我都是付出自己的努力去完成呢次自己想做的事啊！！上天求你让我顺利，开心地渡过吧～～～ April 20 原来我真是一个好容易被任何一件事影响自己心情的人！！ 最近又有好多事发生了，现在先知原来自己在唔开心的时候，尽量林其他野令自己开心是有一个限度的。当好多样唔开心的事一齐来稳你的时候，你真是好难去稳D开心来填左D唔开心的野。所以就会造成自己没晒信心，想放弃某些努力紧的野了。唔知是不是真的，有D野对于我来讲真是有左好大的阴影啊，原来呢D野是过左咁多年都没办法擦掉的。突然觉得有D惊，唔知自己的决定是不是正确，而果日又会发生咩事？？真是好惊再发生一次六年前的事啊～～～但是有D野唔可以避一世的，始终要面对的。事情有时真是好难预料，即使是自己的事。其实担心咁又可以点啊，还不是顺其自然，可以努力就努力，唔可以就只能听天由命，或者放弃！！但是我始终都希望在自己越来越的大个的基础上，D好运可以慢慢过来我度。我会好好生活，即使遇到不可控制的咩野，我都会努力去适应，尽量学做一个唔好咁容易比事情影响心情的人。有好心情才有好事情啊～～～加油！！ April 19 今日去体公公婆婆，一年一次啊！！ 今日是一年一度的拜山大日子，好辛苦调来调去先可以就到今日休息，感觉都几辛苦啊。其实所有野真是变化得太快了，不过都好，虽然辛苦调了，但是最后都是顺利休到的。不过今日天公就不是太造美啦，但是已经好好了，因为完成到我的心愿罗。天气预报就已经话今日会有台风暴雨的了，所以我侄子侄女都有可能今日唔同我地一齐去拜山。点知一早的时候是有少少风，但是就没雨，所以距地都一齐去了。一家人一齐去，感觉真是好似去郊游，个个都好开心啊。但是去到公公婆婆度的时候就开始落雨了，今次都是第一次咋，拿住伞，你遮我，我遮你。感觉好温馨，好好啊个个都。真是好中意妈妈呢边的亲戚啊，个个都好团结，感觉大家都是希望大家好的，没有炫耀D咩野，个个都好岩嘴型。不过经过今次的雨中拜山，大家都话水为财，而且体到大家咁团结，真是好开心啊。有一阵阵，我突然好想知道婆婆公公在下面的生活，距地是不是一齐好开心咁生活呢？？两个人一齐生活真是需要好多好多学问先得啊～～～不过始终都是觉得家人先是最难能可贵的！！ April 15 电脑真是好重要啊对于我来讲！！ 前两日我部电脑坏左啊，感觉真是好无聊，真是叫天不应叫地不闻。成个人都好似变得没晒安全感咁，没晒寄托啊。唔通我个人就是咁无聊？？？就是罗，原来我的生活就是咁的了。突然对自己都几失望啊～～～不过部电脑整翻真是好开心啊！！多谢所有帮我的人～～～～  April 12 最重要是开心遮！！ 好多人关心我，我是知道的，有时没能做好或完成其他人希望我做的野，真是感觉好大压力，所以就会唔开心罗。或者自己一直希望得到的，但是得唔到又会好唔开心。又或者是我自己无意伤害左某个人，当知道后亦都会感到内疚，唔开心。其实真是会有好多好多野，会突然令到自己变唔开心的。但是当你唔开心之后又会点呢？？结论是：你唔开心，锡你的人都变得唔开心，咁你知道后就更加唔开心。你唔开心的时候，时间就过得特别慢，咁离你开心的时候就会越来越远。仲有很多很多唔开心的事会发生。甘样恶性循环，我觉得就好唔底啦。所以现在学叻左，当真是遇到唔顺心，或者困难的事，就要用开心来转弯，林D既然事情是咁就接受罗，将距变成以后更开心的事的开始。咁好的事就会陆续咁来到你身上的了。因为一个人存在世界上就是要活得开心。希望所有人体左我呢篇唔全面的文章，都可以在自己心里面完成属于自己的文章，将快乐带给自己同身边的人。因为你开心，身边的人都会感觉到，从而变得开心的。 April 11 今年真是要努力先得了，好多不定因素啊！！ 唉～～～真是要叹翻淡气先得了。其实我觉得自己的要求都好低遮，只是想要一个顺利，属于24的我的一个生日会遮。洗唔洗咁多波折啊？？唔通要拥有的就是咁难？真是希望自己的EQ可以好高啊，但是感觉真是比我想象中的难啊。唔通本命年就真是好多希望的事都要遇好多困难的？？但是上年都唔系我的本命年啦，但是同样遇好多困难，感觉今年应该比上年更好。真的，我真是甘样感觉到的。所以你一定要努力啊，我相信我会过得越来越好的。
前日终于遇到我一直觉得都几少机会会发生在人们身上的事。我去间店度买衫，咁look信用卡啦。点知第一次look居然话连接不到，但我的手机就已经发条扣钱的短信比我了。之后部机就写话冲正成功，但是就没冲正的短信发比我。之后个营业员就话以前都试过咁的，是真是唔成功，到时会冲翻比你的。所以我又再look多次罗，又有一条信息发比我扣款了喔。唉，连扣两次了，希望可以快D冲翻比我啦。但是真是到几时呢？？而我又可以去边度稳呢？？有没人可以帮到我啊？？唉～～～都是钱来的啊。希望快D比翻我啊！！祈求祈求～～～～～！！  April 06 虽然好多人话唔系，但是我仍然坚持！！ 最近工作的野都几忙，突然发左D钱，但是个个都唔同。真的，按你做左几多野就发几多比你？事实是应该咁的，多劳多得阿嘛。不过始终都是觉得如果要呃左人D钱，自己先可以赚到钱的话，咁我就觉得宁愿唔要罗。是不是好傻呢？？有时都真是觉得有D傻，好似同钱作对咁。但是如果稳到钱，但是个心唔舒服，觉得内疚的话，咁都是算拉！始终自己点样过得开心先至是最重要的^_^始终都是觉得好心有好报的，我会证明比大家体的！！
今日识左个男仔，距的工作是技术型的。讲真都真是几大责任的距的工作。但是我就觉得好羡慕距稳到D咁样的工作，帮到人之外仲可以赚到钱，真是好好啊～～～希望距的工作越做越好，帮到更多的人，开开心心～～我都替距好开心啊！！点都好拉梁敏，一定要加油啊～～～唔好比D金钱诱惑到，一定要在赚到钱的同时都要帮到人啊！！努力^_^  March 18 去完疗养院疗养了！！ “三·八”单位旅游，我就选左去疗养院疗养。娱乐措施喔，居然差不多样样都要自己比钱，咁就叫单位组织旅游啊。邮局咁，真是笑大人个口啊。打国家工就是咁的了，话就话休两日去旅游，之后就要连做翻七日，问你够未。不过都好彩同成班傻婆去，都颠颠地的，所以都算几开心啦。理鬼距啊，过得一日开心就是开心。哈哈～～～反正工就一定要翻的了，我要翻得开心，顺利，舒畅就够了，其他钱的野，有几多未洗几多罗，少又唔洗死的！！加油！！～～～～ March 13 希望今年的想法可以完成啦！！ 今年我就是打算可以存多D钱，努力工作，同埋计划多D等明年表哥翻来我地要去边度玩同吃，其他野都先放一放。但是唔知点解，越是咁林，就好似越多咩男仔啊，要拍拖了啊的野稳我。可能自己都有翻咁大年纪啦，屋企人好似都好紧张我没人要咁。其实咁样搞到我都会觉得自己没人要的～～～搞到呢个又话要介绍，果个又话要介绍比我，话我又靓又好喔。哈哈哈～～～如果真是好，一早就有人要左啦，洗咩现在个个都为我担心，要帮我稳对象啊。所以我都开始怀疑自己是不是距地每一个对我所林咁样啊。其实林落自己都仲是好细遮，好多野都未做，尤其是一D孝顺父母的野。有时都觉得自己好没用的，因为感觉好似自己都唔可以同时顾及好多的人，通常记得呢个就忽略果个，真是好难做到面面俱到啊。讲真啊，我选老公的要求可能真是比较高啦。首先要自己中意先，之后就要体经济同家庭，最好独生子啦，或者是住香港或者外国的。因为我真是好想同距生两个bb啊。我觉得一个人有时真是好孤单，所以我都唔想自己的子女以后好似我咁。不过如果遇到真是中意，上天的安排，缘分的果位，无论是咩人，以后一齐都会好开心咁一齐的。我相信我一定会同距好开心的^_^听上去好似好简单，其实真正要稳的真是好难啊。我好中意我表哥同Randy，但是呢两个都是没可能的。所以就唔好再林咁多了，先做好今年比自己的目标先啦。加油啊，记住自己想要的就得了^_^ 人与人之间的体谅应该是点的呢？ 最近都是好多事发生，感觉就好似越来越多的事在不断地变化，而我的思想亦随着身边的人同事渐渐咁改变。究竟我的人生将来是点的呢？而我同其他人之间的关系将来又会是点的呢？其实呢D问题我常常都会问自己，因为答案系边我一直都觉得离我好远，感觉永远永远都唔会得到咁。突然觉得自己好似成日都只是关心自己的事，好似人地的就觉得都无所谓，是因为我真是太自我啊，还是因为我仲未稳到一个我好想我知道，好想去care的人呢？其实我都好想知道其他人的野，但是咁又好似好八挂咁。而且人地又唔知中唔中意比人问到。唉，其实做人真是好难，或者真是因为咁，所以人与人之间就更加需要互相体谅同理解啦。有时觉得自己的体谅都好好，但是有时又真是太固执，觉得唔好的，或者唔中意的就真是理都唔理咁。真是唔知话自己好还是唔好了。不过无论点都好，我知道我一定会越学越好的，因为人总会在失败同教训中磨炼到出来，而我亦唔会例外。加油啊梁敏，你一定得的～～～总会有人识欣赏你的！！^_^ March 08 我林今次真是天帮我了。多谢上天啊～～～ 今日差D又发生上次一千蚊事件了。真是好吓人，不过当时真是好惊。1600喔今次，真是一个月的所有钱了，当时的思想真是唔知点的啊，好乱，好惊，都唔知点稳，做咩好。数啊数，丝梅突然话点解呢搭一万好似好厚咁的，不如过下距啦，个个都好期待啊，哈哈^_^真是多左1600啊。好彩没比出去啊，上天的安排，太好彩了。多谢你啊上天！！～～～真是真是好彩，没比出去啊，如果唔系就一定追唔翻啊！！今次应该都算是我平时做得好事多，好心有好报了。所以我一定会继续坚持自己的原则同理想努力，呢种失而复得的感觉真是太美妙了。毛衣一个月后稳翻，1600一个钟后稳翻，08年真是没期望错你。加油啊梁敏，只要你继续用心去对人好，个天会知道的，你会越来越好，身边的人同事都会一样^_^  March 06 在工作中真是好多哈噜野啊～～笑死了！！ 梁敏你真是好鱼啊，唔系第一次在工作中搞D哈噜野出来。想笑死人咩，唔笑死人都笑死自己啦。“伍蚊伍万事件”－－有个外省的男人过来拿伍蚊，我就听成要拿伍万，我仲重复问是不是要拿伍万，距话是。咁我未要距出示身份证罗，点知距话没身份证，咁我未话拿唔到罗。跟住距就问伍蚊都要身份证？我仍然听到伍万，咁我当然话要啦。在我同距都好疑惑的时候，我体一体距的存折问你是不是要拿伍蚊？点知距居然话是喔，之后我未没晒feel咁话比距知距的是外地存折，要扣手续费，拿唔到五蚊，只可以拿到三蚊，因为要扣2蚊手续费。点知距都是话要拿。咁我未帮距拿罗，点知距密码唔记得，输错三次仲锁住添。唉～～搞左咁耐到最后连三蚊都拿唔到，比D同事笑左我好耐啊。不过我都觉得自己真是太好笑了，是连五蚊都要出示身份证啊，激晕。之后就是今日了，其实仲有好多，不过呢两次真是比较经典的。“报警事件”－－今日有个女人来存4000，点知我就将距果500蚊50的数左就放左入柜桶没划卡。之后就帮距存左3500。点知过左一阵个女就翻来蚊明明4000点解存3500。我就鬼咁肯定咁同距讲话距明明同我讲3500，我都是数到3500，所以就存3500。之后就又好肯定咁话自己比左4000我。阿凤就帮我讲话叫距有咩事就去报警，距话去边度报，是不是在外面保安亭，唔系啊，在公安局。之后我听到阿凤咁讲我就更加理直气壮咁同距理论了。之后距讲距又50的，我划卡没。突然我灵光一闪，是喔，好似真是有喔。果一刻实在太鱼了，出面个个望住晒。我盘完数发现真是喔，唉，没feel，比自己激死啊。鱼到痹啊～～～我D汗真是从我额头，背脊流落来，实在太鱼了。之后又比D同事笑到面都黄啊～～～～呵呵。成日搞埋晒D哈噜野，不过都好及早发现，以后真是要再认真D做野先得了，唔好再咁大头虾了！！哈哈^_^ March 05 最近又好多人结婚，好多人生BB啊！！ 08年真是一个好年啊，喜事特别多，最近就听到好多了。终于有个熟少少的同学结婚了，仲去做埋姐妹添，都几好玩。不过男家是果D比较村的，所以好多野都要做足咁。新娘新郎果日就真是几辛苦啊～～～不过体上去两个都好幸福，祝呢对新人快快乐乐，早日生个小bb出来拉！^_^ 跟住没几日一个表姐又请我去饮，虽然呢个唔系好亲，但是距的婚礼都搞得好成功啊，真是好好，个个都好替距开心。Yeah～～ 以前去交行实习的两个好好的师父同师姐都准备生bb了，听到呢个消息，真是好开心啊。不过已经好耐没同距地联络了，希望有机会再同距地聚一聚拉^_^ 08年我都好好运，比07好好多了，至少可以做到自己一直好想做的野，虽然工作压力仍然好大，但是唔紧要拉，最紧要自己开心。而09年又会比08年更好，所以梁敏一定在各方面都会越来越好的。^_^嘻嘻～～～ February 17 阿嘛在老人院！！ 最近去老人院探阿嘛，真是有亲人去老人院了，但是阿嘛身体唔好，天气又咁冻，所以就去老人院短短一个月的时间就已经入左两次院了。就是因为咁，老人院话我地家人没讲阿嘛有咁多唔好的病，所以现在阿嘛如果再出院应该唔可以翻老人院了。唉，觉得自从阿爷过左身之后，阿嘛就好惨啊。最衰我侄子又得左白血病要来广州医，表姨妈距地就来左我屋企住。亦可以讲点解我唔可以稳多D钱买间大D的屋，咁就可以住好多人了，咁阿嘛就可以来埋我屋企住，咁我地照顾距未好罗。但是屋企实在太细了，现在咁住都觉得好逼啊。希望阿嘛身体健康，伯爷距地都可以林到好D的方法，等阿嘛又有人照顾，屋企人又唔洗咁辛苦跑来跑去啦！！ January 30 Happy Hongkong one more time. 咁就完左香港之旅了，好开心啊。因为可以体到joey红馆演唱会，真是正到痹啊。虽然个位对于我来讲真是都几远，但是D气氛真是比我之前体过的演唱会都好正，舞台效果又好正，当然joey个人同D歌就仲正拉。喊左两次end call，Joey都有出来，真是正晒啊，好好啊～～～ 距今次仲在台上唱到哭，搞到我都哭埋，真是好感动啊。去红馆体容祖儿演唱会是我的梦想，遗憾的是个位仲是比较远，不过没办法拉，前的都比距D歌迷会的一早拿晒了，我拿到票都算好好彩的了。哈哈，好彩有叔叔在香港罗。嘻嘻～～～今次真是好好好好开心啊，希望以后会有更多比现在更开心的事发生在我身上拉！！努力啊～～
|
敏敏Sindy笑笑笑if you would not make yourself happy, nobody can do it.
| |||||||||||||||||||||||||
Invite as friend